Jeni obezë? Ju jetoni më shumë se…

Sipas studimeve të fundit ka pretendime se të jesh mbipeshë apo obez mund të mos jetë aq kërcënuese sa mendohet. Sipas një studimi të vitit 2012 të kryer nga Instituti Kombëtar i Kancerit rezultoi se personat me obezitet të moderuar jetojnë 3 vjet më gjatë se personat me peshë normale.
Një tjetër studim i publikuar në ‘The European Heart Journal’, shkruhej se kur personat mbi peshë kanë një metabolizëm të shëndetshëm, që do të thotë vlera normale të kolesterolit, sheqerit në gjak apo tensioni nuk kanë risk shumë të lartë për vdekshmërinë nga sëmundjet e zemrës apo kanceri në krahasim me personat që kanë peshë normale.
“Trupat që stërviten vazhdimisht në përgjithësi janë trupa të shëndetshëm,pavarësisht nëse personi është i shëndosh apo i dobët”- shpjegon Glenn Gaesser profesor në Universitetin e Arizonës.
Sipas tij ka shumë arsye përse aktiviteti fizik është një “ilaç” shumë i mirë. Muskujt janë konsumatorët më të mëdhenj të sheqerit në trup,rritja e masës muskulore redukton rrezikun e akomulimit të sheqerit në gjak, pra ul rrezikun për diabet. Kështu studim pas studimi rezulton se personat mbipeshë të cilët kryejnë të paktën 150 minuta aktivitet fizik të moderuar në javë kanë një fizik të shëndetshëm edhe pse mund të mos bien nga pesha.