Ajo ka luajtur në disa filma dhe seriale, por roli i Rachel te seriali “Friends” është ai që shënoi karrierën e Jennifer Aniston dhe e ndihmoi atë të fitonte mijëra fansa në mbarë botën.
Ajo ishte pjesë e serialit për më shumë se 10 vjet duke u rritur sezon pas sezoni. Jennifer Aniston, sapo mori rrogën e saj të parë, vendosi ta shpenzonte për diçka që donte ta kishte që kur ishte shumë e re, një “Mercedes Benz”.
“Më kujtohet që pashë reklamën për shitje për gati dy vite të tëra. Dhe pyesja veten se sa mirë do të ishte ta drejtoja këtë makinë një ditë”, tha ajo.
“Më pas ndodhi sezoni i parë i “Friends”. Epo, kjo ishte mundësia. Kam menduar gjatë gjithë ditës se tani është koha për të blerë atë makinë që kam dashur prej vitesh. As që mbaj mend sa ishte pastaj. Ndoshta rreth 13,000 dollarë. Sigurisht, gjërat nuk shkuan ashtu siç pritej. E bleva një ditë, e ngava të nesërmen, e ngava përsëri dhe nuk mendoj se kam hipur më në makinë. Ishte një gabim i vogël nga një vajzë që sapo kishte mbushur 25 vjeç”, shtoi aktorja.
