Jennifer Anison ka thyer heshtjen lidhur me thashethemet e vazhdueshme për një shtatzani të mundshme. Aktores 47-vjeçare i ka ardhur në majë të hundës me njerëzit që flasin pafund nëse ajo është shtatzënë apo jo.
“Më lejoni ta nis këtë shkrim, që të sqaroj thashethemet që qarkullojnë rreth meje, është diçka që nuk e kam bërë kurrë. Nuk dëshiroj ta zhvilloj biznesin e gënjeshtrave por do doja ta zgjeroja më tej këtë temë të madhe që sapo ka filluar. Përderisa nuk jam pjesë e mediave sociale, vendosa t’i shpreh këtu mendimet e mia”, shkruan Jennifer për “The Huffington Post .
“Sa për sqarim, unë nuk jam shtatzënë. Ajo që më nevrikos më tepër është vështrimi kritikues dhe ofendimi për format trupore që ndodh çdo ditë nga gazetaria”. Jennifer ka vijuar më tej duke folur për paparacët: “Çdo ditë unë dhe bashkëshorti im jemi të “mbytur” nga qindra fotograf që rrethojnë shtëpinë tonë dhe që do bëjnë të pamundurën të marrin një foto, edhe pse kjo është e rrezikshme për ne apo për këmbësorët që ndodhen rastësisht aty”.
“Nëse unë jam simboli i disa njerëzve, atëherë sigurisht që jam një shembull i mënyrës se si ne si shoqëri shohim nënat, vajzat, motrat, bashkëshortet, mikeshat dhe koleget. Mishërimi dhe shqyrtimi që ne ju bëjmë femrave është absurde dhe shqetësuese. Mënyra se si unë portretizohem nga media është thjesht një reflektim i mënyrës se si ne i portretizojmë femrat në përgjithësi, duke analizuar standartet e bukurisë”.
“Po, unë mund të bëhem nënë një ditë dhe nëse ndodh, do jem e para që do e bëj publike. Por unë nuk po përpiqem të bëhem nënë sepse ndihem e paplotësuar në një farë mënyre, të paktën kjo është lënë të nënkuptohet nga shkrimet që janë bërë rreth meje nëpër media. Nuk durova dot që të përflitem vetëm për shkak të ndryshimit të barkut tim pas një ushqimi që konsumova apo nga mënyra se si është bërë ajo fotografi dhe përkufizimi i shëmtuar “e shëndoshë” apo “shtatzënë”. Pa përmendur ndjesinë e shëmtuar kur miqtë dhe njerëzit të urojnë për një shtatzani të rremë”.
“Ne jemi të plotësuara me apo pa një mashkull, me apo pa një fëmijë. Ne nuk kemi nevojë të martohemi apo të jemi nëna për të qënë të plotësuara. Jemi ne që e vendosim se kush është lumturia per veten tonë”.
