Jennifer Aniston ka qenë e ftuar në ‘Ellen DeGeneres Show’ dhe nuk i ka shpëtuar pyetjeve ngacmuese nga mikesha e saj. Moderatorja e programit e ka vënë para një pyetësori ‘të nxehtë’ që aktorja duhej t’i përgjigjej sinqerisht. “Përveçse kur bën dashuri, lahesh dhe noton, ka diçka tjetër që të pëlqen ta bësh e zhveshur?”,-e ka pyetur Ellen aktoren. “Më pëlqen të shikoj televizor lakuriq. Mos është e çuditshme kjo gjë?”,-u shpreh aktorja.
Vetë moderatorja dhe publiku u shfaqën të çuditur nga kjo deklaratë, por Aniston u justifikua me faktin se është diçka normale, kur je në shtëpi, e shtrirë për të fjetur në krevat dhe thjesht ndez televizorin. Më tej aktorja ka zbuluar edhe një nga gjërat më të çuditshme që ka bërë për të fituar para, e cila ka qenë të priste flokët e saj në klasën e 8-të dhe të 9-të./revistawho.com
