Jennifer Lopez dhe partneri i saj, Alex Rodriguez kanë vendosur së fundmi të kalojnë ditën me familjen e tyre në New York.
Dyshja është fotografuar teksa kanë zgjedhur të darkojnë në shoqërinë e njëri-tjetrit dhe ajo që ka tërhequr vëmendjen ka qenë ‘look-u’ i 51-vjeçares.
Jennifer kishte zgjedhur një fustan në ngjyrë të bardhë të shkurtër me motive lulesh nga firma e njohur ‘Valentino’, ndërsa Alex kishte zgjedhur një palë pantallona në ngjyrë të bardhë dhe këmishë ngjyrë bojëqielli.
Edhe pse familja vendosi të kalojë kohë jashtë, ishin të gjithë të kujdesshëm duke vendosur maskat e tyre, me të cilat u fotografuan gjatë shëtitjes në qytet.
Kujtojmë se pak ditë më parë Jennifer dhe Alex ndanë disa momente në parkun qëndror të New York, duke treguar ditën e tyre në natyrë së bashku me fëmijët./revistawho.com
