Jennifer Lopez e ka shfrytëzuar turneun e saj muzikor “It’s my party” për të njohur kultura të reja, por edhe për të kaluar disa ditë pushime me familjen. Këtë javë këngëtarja së bashku me partnerin, Alex Rodriguez e fëmijët e tyre, vizituan Izraelin dhe përmes postimeve në rrjete sociale ndanë me të gjithë ndjekësit këtë eksperiencë. Jennifer dhe Alex kanë treguar se kanë parë disa nga vendet më të bukura turistike dhe se kanë udhëtuar me një deve. Ata kanë zbuluar se ky udhëtim u ka shërbyer për t’u rilidhur me besimin dhe njëri-tjetrin si familje.
https://www.instagram.com/p/B0q-qt0gVrt/
https://www.instagram.com/p/B0rCFBHALqA/
Në postimet në profilin e tij në ‘Instagram’ Rodrigruez ka treguar se i ka pëlqyer shumë Izraeli dhe se mund ta vizitojë sërish sapo t’i jepet mundësia. Jennifer dhe Alex që nga fillimi i lidhjes i kanë kushtuar shumë rëndësi familjes për të forcuar lidhjen mes fëmijëve të tyre. Artistja e njohur është nënë e dy fëmijëve, Emme dhe Maximilian, që erdhën në jetë nga martesa e saj me Marc Anthony. Ndërsa Alex është baba i dy vajzave Natasha dhe Ella, të cilat janë fryt i dashurisë së tij me ish-bashkëshorten Cynthia Rodriguez. /revistawho.com
