20 vite pasi u shfaq e veshur me fustanin ikonik të ‘Versace’, Jennifer Lopez arriti të tërhiqte sërish vëmendjen e veshur me diçka të ngjashme si ai. Ditën e premte JLo mbylli sfilatën pranverë-verë 2020 të ‘Versace’ me një rikrijm të fustanit ikonik. Jennifer i mahniti të gjithë në parakalimin e saj në pasarelë, por 20 vite pas është zbuluar se ajo nuk ka qenë e para që e ka veshur këtë fustan të ‘Versace’. Ky fustan u shfaq për herë të parë në 1 tetor 1999 gjatë sfilatës pranverë-verë dhe u vesh nga modelja Amber Valleta.
Disa muaj më vonë, në dhjetor 1999 vetë Donatella veshi këtë fustan në “Rock Style Gala” në New York.
Më pas 1 muaj para se Jennifer të mahniste botën me parakalimin në tapetin e kuq, Geri Halliwell veshi të njëjtin fustan nga ‘Versace’, por nuk arriti të fitonte vëmendjen e të gjithëve ashtu si Lopez.
JLo më pas u shfaq e veshur me të për ndarjen e çmimeve “Grammy” në vitin 2000 dhe pikërisht në atë kohë u krijua “Google Images”, sepse të gjithë njerëzit kërkon foto të Jennifer për të parë fustanin e saj. /revistawho.com
