Jennifer Lopez e pranon: Më lëndonin komentet negative të njerëzve

Jennifer Lopez këtë vit u rendit e gjashta në listën e këngëtareve më të paguara, për plot 47 milionë dollarë. Por Jennifer nuk ka patur gjithmonë një histori të suksesshme në karrierën e saj. Mbrëmjen e djeshme në një emision këngëtarja 49-vjeçare ka treguar se gjatë vitit 1997 filloi të besonte komentet negative të njerëzve. “Të gjithë thonin: ‘Ajo nuk mund të këndojë, ajo nuk mund të kërcejë, nuk mund të aktrojë, ka thjesht një fytyrë të bukur dhe të pasmet e saj janë shumë të mëdha’ dhe unë fillova të mendoja ‘Po, është e vërtetë’”, – ka treguar Jennifer. Më tej ajo ka thënë se këto e kanë lënduar për një kohë të gjatë. Megjithatë Lopez ka shtuar se komentet nuk arritën ta mposhtnin, sepse ajo filloi të punonte më shumë dhe të bindte veten se ishte këngëtare dhe aktore shumë e mirë. /revistawho.com