Jennifer Lopez është 46 vjeç, por në formë impresionuese. Këngëtarja e njohur nuk ka frikë të ekspozohet edhe ujë e sapun duke treguar se është po aq e bukur edhe pa grim. JLo është parë në rrugët e New York-ut pa make-up, e veshur sportive dhe me flokët e mbledhur lart në mënyrë të shkujdesur. Ajo që ka rënë në sy është lëkura e shndritshme, pak e nxirë dhe e pastër.
Në një intervistë për Watch What Happens Live në fillim të javës, mamaja e dy binjakëve tha se gjumi i mirë është çelësi i një pamjeje dhe lëkure më të re – edhe tërshëra. Ylli i “Love Don’t Cost a Thing” momentalisht po punon me xhirimet e serialit “Shades of Blue”, ndërsa pak ditë më parë u fotografua pranë ish-të dashurit të saj, koreografit 28-vjeçar, Casper Smart, dhe dy fëmijëve Emme dhe Maximilian.
