Së fundmi, Jennifer Lopez ka publikuar këngën “The Ring” (në shqip: Unaza) dhe në një pjesë të këngës thuhet: “Kur do ta marr një unazë”. Dhe Jennifer Lopez sapo ka zbuluar se e ka ende ‘mendjen të hapur’ rreth çështjes së martesës.
Më parë ajo ka qenë e martuar tre herë, me: Ojani Noa, Cris Judd dhe me Marc Anthony. Në një intervistë ajo është pyetur nëse do të dëshironte të martohej përsëri dhe JLo është shprehur: “Jam e hapur ndaj çdo mundësie të mrekullueshme në jetë, çfarëdo që të jenë”. Jennifer nga martesa e saj 10-vjeçare me Marc Anthony ka dhe dy fëmijë, Max dhe Emme. Prej një viti ajo është në lidhje me Alex Rodriguez, por mesa duket i dashuri i saj nuk e ka ende ndërmend martesën. /revistawho.com
