Seritë televizive të ‘Shades Of Blue’, në të cilën Jennifer Lopez ka një rol kryesor, po shkojnë drejt fundit. Përveçse një eksperiencë më tepër në karrierën e saj si aktore, kjo do të shërbejë që Jennifer të vihet në ndihmë të një komuniteti në Puerto Rico.
JLo ka bashkëpunuar me Federatën Hispanike dhe Programin e Rimëkëmbjes së Fatkeqësive të UNIDOS-it për të nxjerrë në ankand të gjitha veshjet e saj nga seritë televizve të ‘Shades Of Blue’. Të gjitha fondet që do të mblidhen nga shitja e veshjeve do të shkojnë në ndihmë të komunitetit në Puerto Rico që u godit vitin e kaluar nga uragani Maria. Rrobat do të dalin në ankand në një ‘website’ prej datës 9 shtator. Pritet që nga çdo veshje ose aksesorë i shitur të përfitohen me mijëra dollarë. Ky gjest i JLo është me të vërtetë për t’u marrë shembull. /revistawho.com
