Jennifer Lopez ka kaluar një 2022 të mrekullueshme, pasi përveç martesës me Ben Affleck, ajo sot ka bërë të ditur se do të rikthehet me albumin e saj të parë pas tetë viteve, i cili do të dalë në 2023 dhe titullohet “This Is Me… Now”.
Njoftimin ajo e bëri me një video, nga koha e albumit të saj “This Is Me Then” dy dekada më parë, në të cilën tregon se si është shndërruar në J. Lo aktuale, përveç se ka zbuluar listën e këngëve.
“This is me…Now”, paralajmëron një epokë të re muzikore për Jennifer Lopez-in, tregon rrugëtimin emocional, shpirtëror dhe psikologjik që ajo ka qenë në dy dekadat e fundit”, thuhet në njoftimin për shtyp.
“Një projekt emocionalisht i papërpunuar dhe i sinqertë ndryshe nga çdo gjë që ka prodhuar më parë, ajo shkruan dhe këndon për jetën dhe përvojat e saj që do të na bëjnë jehonë të gjithëve. Përveç kësaj, këto histori autobiografike që dalin nga albumi do të çojnë në projekte të tjera shumë personale që do të dalin vitin e ardhshëm…”
View this post on Instagram
