Jennifer Lopez ka zbuluar arsyet pse vendosi t’i japë fund martesës me Ben Affleck. Lopez rrëfeu se lidhja përfundoi pas publikimit të dokumentarit të saj, “The Greatest Love Story Never Told”, i cili u shfaq premierë në shkurt 2024.
Në një bisedë me Nikki Glaser për revistën Interview, Lopez shpjegoi se “e gjithë bota e saj shpërtheu” pas publikimit të dokumentarit të saj.
Sipas saj, ky ishte momenti kur kuptoi se martesa e saj kishte përfunduar.
Jennifer tha se ajo mësoi se gjërat nuk shkojnë gjithmonë sipas planit dhe është thelbësore të mësosh nga gabimet e tua.
“Unë po reflektoja për këtë moment në jetën time dhe mendova, ‘Kjo nuk është ajo që imagjinoja se do të ishte’. Pastaj kuptova, ‘Jo, kjo është pikërisht ajo që më duhej për të arritur atje ku dua të shkoj’, tha Lopez.
