Teksa po planifikon martesën me Alex Rodriguez, Jennifer Lopez ka shprehur hapur dëshirën për t’u bërë sërish nënë. Këngëtarja pohoi për Extra TV se binjakët e saj 11-vjeçarë do të ’emocionoheshin’ nëse do të priste një fëmijë tjetër me Rodriguez, 44 vjeç.
Gjithashtu ajo ka thënë se bashkë me Alex dhe fëmijët e tij bëjnë një familje të madhe, duke treguar raportin perfekt që kanë mes tyre. “Ne jemi vërtet një familje e bukur e përzier dhe mendoj se të gjithë do të entuziazmohen”, tha këngëtarja 50-vjeçare. Pra nëse JLo vendos të bëhet sërish mami të gjithë fëmijët do emocionoheshin, por sigurisht edhe fansat e saj.
