Jessica Alba dhe bashkëshorti i saj Cash Warren thuhet se po përgatiten për t’i dhënë fund martesës së tyre.
Në një artikull të ri të publikuar në gazetën “Star”, raportohet se Alba dhe Warren, kanë përfunduar duke u zënë keq në një restorant ku kanë qënë të pranishëm edhe disa miq të tyre.
Sipas një dëshmitari okular, Cash është ankuar se rri gjithë ditën në shtëpi duke u kujdesur për fëmijët ndërsa Jessica ndjek karrierën dhe biznesin e saj. Por sipas thashethemeve aktorja ka reaguar menjëherë ndaj bashkëshortit të saj duke thënë: “Më vjen keq që unë me paratë e mia kam bërë zgjedhjet e duhura ndërsa ti jo”.
Ndërkohë mbrëmë ajo ka postuar një foto, ku reflektohet qartë harmonia familjare. Teksa ajo dhe partneri i saj hyjnë në shtëpi të dy fëmijët i kanë mbërthyer me përqafme.
