Në adoleshencë të gjithë kanë dëshirë të bëjnë një tatuazh, për të cilin vite më vonë pendohen. E njëjta gjë i ka ndodhur edhe Jessica Albas, e cila duket se nuk është aspak e lumtur që në trupin e saj ka të gdhendur dy tatuazhe, që tashmë dëshiron t’i zhdukë sa më parë. Në një intervistë për “Refinery29”, aktorja e njohur ka treguar se ka dy tatuazhe të cilat nuk i pëlqen aspak. Ajo ka zbuluar se në pjesën e kurrizit ka bërë tatuazh një fjongo, ndërsa tek qafa një lule.
“E bëra kur isha 17 vjeçe dhe jam shumë e mërzitur që e kam bërë. Jam munduar ta heqë me lazer disa herë, por nuk zhduket”, ka thënë Alba. Megjithatë ajo ka shtuar se nuk i konsideron të gjithë tatuazhet e saj një gabim, sepse disa prej tyre janë mjaft domethënës për të. Së fundmi Jessica bëri tre tatuazhe së bashku me bashkëshortin e saj për tre fëmijët e tyre Honor Marie, Haven Garner dhe Hayes Alba. Jessica po i kushton shumë rëndësi kohët e fundit fëmijëve të saj, sepse pak kohë më parë ajo zbuloi se po investon edhe në shëndetin e tyre mendor. Për aktoren e njohur sfida e të qenurit nënë nuk ka qenë aspak e lehtë, megjithatë ajo ja ka dalë mbanë më së miri. /revistawho.com
