Justin Timberlake ditën e djeshme përmbylli turin e tij “Man of the woods” dhe për këtë arsye bashkëshortja e tij, Jessica Biel, i kushtoi një dedikim prekës. “Po rri e qetë sepse ti je në dhomën tjetër. Është spektakli yt i fundit, është spektakli i fundit i ‘Man of the woods’ sot. Doja të thosha se jam shumë krenare për ty dhe ndjej se ndonjëherë marr nën zotërim atë që ti ke bërë gjatë këtij 1 viti e gjysmë të fundit”, ka thënë Jesicca në një video. “Ndjehem e nderuar kur të shikoj ty duke shkëlqyer çdo mbrëmje dhe duke bërë atë për të cilën ke ardhur në jetë. Ti më frymëzon mua, ti frymëzon Silan”, ka thënë ndër të tjera partnerja e Justin. Më pas duke lotuar Jessica ka shtuar: “Ti e bën zemrën time të shpërthejë nga lumturia dhe dashuria kur të shoh ty duke bërë gjënë tënde. Unë jam fansja jote numër 1, të dua!”, është shprehur ajo.
https://www.instagram.com/p/BwNW4i6FjMB/?utm_source=ig_embed&utm_medium=loading
Siç duket kjo surprizë ka përlotur edhe këngëtarin, i cili ka shkruar në komente: “Dua të them…unë nuk po qaj. Ti po qan! Nuk mundem me këtë mesazh. Të dua shumë!”. Jessica e ka shoqëruar Justin në çdo spektakël që ai ka dhuruar gjatë turneut të tij. Ata të dy janë të martuar prej 6 vitesh dhe kanë një djalë të quajtur Silas. /revistawho.com
