Jessie J ka zbuluar se tre muaj më parë u diagnostikua me çrregullim të hiperaktivitetit të deficitit të vëmendjes (ADHD) dhe çrregullim obsesiv-kompulsiv (OCD). Në një postim në Instagram, këngëtarja 36 vjeçare tha se këto çrregullime mendore e kishin bërë të “rivlerësonte” gjithë jetën e saj.
Këngëtarja me famë botërore tha se pas lindjes se djalit, Sky Safir Cornish Colman, e kuptoi më mirë nga se vuante.
“E dija deri diku, por të pasurit një fëmijë e ekspozoi shumë më tepër, gjë që ishte ngushëlluese në një farë mënyre, pasi e bënte të ndihej më pak e frikshme”, tha ajo
ADHD është një gjendje që ndikon në sjelljen e njerëzve. Kjo mund t’i bëjë të sëmurët të duken të shqetësuar, ata mund të kenë probleme të përqendrohen dhe mund të veprojnë me impuls.
OCD është një gjendje e shëndetit mendor ku një person ka mendime obsesive dhe sjellje kompulsive.
