Esdalin Gorani dhe Manjola Hasani janë emra të njohur në fushën e baletit. Prej kohësh ata nuk janë të pranishëm në ekran, por merren me performancat nga prapaskena. Në një intervistë për ‘Pop Culture’ dy të dashuruarit kanë folur për jetën familjare dhe karrierën. Duke qenë se përveç dashurisë, Esdalinin dhe Olën i lidh edhe karriera, kur vjen puna për kritikat ndaj njëri-tjetrit ata pranojnë se ka raste kur shkëmbejnë kritika për punën. Ata kanë shumë vite bashkë, gjithashtu janë prindër të dy fëmijëve, një vajze dhe një djali.
Pyetjes nëse e kanë menduar ndonjëherë ndarjen, Ola ju përgjigj shkurt me ‘jo’. Ndërsa Esdalini ka thënë: “Ka momente, në fillime sidomos dhe kur lidhja konsolidohet që kjo ide mund të të kalojë në mendje, por kur ke fëmijë dhe një familje, nuk mendohet kurrsesi”.
Ndërsa për seksin më të mirë, para apo pas lindjes së fëmijëve, për Olën është periudha para, ndërsa për Esdalinin, të dyja./revistawho.com
