Të xhirosh një film sigurisht që kërkon sakrifica dhe mund për muaj me rradhë. Një nga sfidat me të cilat stafi duhet të përballet është përshtatja e rolit me aktorin. Në shumë raste ka ndodhur që aktorët të përfshihen shumë në rol dhe në fund të na sjellin një rezultat i cili ju ka pëlqyer të gjithëve. Por askush më mirë se një person i cili e ka kaluar më parë historinë për të cilën po aktron nuk mund ta realizojë. Kjo gjë ka ndodhur edhe me aktorin ‘Ferhat’ në serialin “Dashuri bardh e zi”. Jeta e tij në serial ndryshon komplet pasi ai humbet babain në moshën 18 vjeçare. Por Ibrahim Celikkol ka të njëjtën histori edhe në jetën reale. Ai vite më parë ka humbur babain e tij dhe kjo humbje i ka shkaktuar shumë dhimbje. Në një intervitë për një media turke ai është pyetur për përjetimet pas ndarjes nga jeta të të atit dhe përgjigjia e tij është drithëruese.
“Është një ngjarje që ka impakte të mëdha në jetën tënde për një kohë shumë ta gjata. Tek e fundit babai është modeli i çdo djali dhe të humbësh atë në moshën 18 vjeçare është shumë e vështirë. Kështu ka qenë për mua. Pika kulminante e jetës time ka qenë ndarja e tij nga jeta. Kjo ngjarje më ka bërë të përballem drejtpërdrejtë me jetën, më ka përplasur fort me këmbë në tokë, më ka bërë të ndihem vetëm, të mbyllem në vetvete, por njëkohësisht edhe t’jua di më mirë vlerën gjërave, më ka mësuar t’u dal për zot gjërave që dua,”- është shprehur aktori.
