Ndarja nga aktori i madh Jim Carrey mund të jetë bërë shkak për vetvrasjen e të dashurës së tij 28- vjeçare Cathriona White. Orën e fundit mediat e huaja raportuan me tronditje mbi vetvrasjen e të dashurës së aktorit. Siç shkruan “Mail Online”, efektivët e policisë janë telefonuar nga dy miq të viktimës, të cilët kanë gjetur trupin e pajetë të Cathriona White në rezidencën e saj. Në 24 shtator Cathriona dhe Carrey janë ndarë dhe në po të njëjtën datë ajo mbylli llogarinë e saj në Tëitter. “Po çaktivizoj llogarinë timë në Tëitter, shpresoj të kem qenë burim frymëzimi për të afërmit dhe të dashurit e mi.” Burime nga policia thonë se dyshohet që White të ketë kryer vetvrasje duke përdorur overdozë ilaçesh, pasi pilula ishin parë pranë trupit të saj. 53-vjeçari Carrey dhe White janë njohur në 2012, nisën të frekuentohen për disa muaj dhe më pas u ndanë, për t’u bashkuar përsëri në maj të këtij viti.
