Jennifer Lopez dhe i dashuri saj prej shumë kohësh i kanë dhënë fund marrëdhënies së tyre. Ylli i pop-it 47-vjeçe dhe balerini 29-vjeçar kanë nisur të shoqërohen me njëri-tjetrin që prej vitit 2011 dhe gjatë lidhjes së tyre patën një ndarje të shkurtër në 2014.
Një burim ka konfirmuar për revistën “People”, ditën e mërkurë, se çifti është ndarë përfundimisht dhe tashmë ka një marrëdhënie thjesht miqësore.
“Nuk ishte diçka dramatike dhe ishte një vendim i marrë nga të dy”, ka thënë burimi për gazetën duke shtuar se marrëdhënies thjesht i erdhi fundi. “Ata do të mbeten miq dhe do të kujdesen për njëri-tjetrin pavarësisht se nuk janë bashkë”, tregon burimi.
Ndërsa sipas “TMZ” ishte pikërisht Jennifer Lopez ajo që vendosi që kjo romancë të merrte fund.
