aktorja e njohur Olta Gixhari ka vendosur t’i japë fund aludimeve dhe pyetjeve të shumta që ka marrë së fundmi në rrjete sociale lidhur me ndryshimin e dukshëm në njërin prej syve të saj.
Gjatë një sesioni “Ask me a question” në Instagram, një ndjekës e pyeti drejtpërdrejt:
“Çfarë të ka ndodhur te syri?”
Olta zgjodhi të përgjigjej hapur, duke sqaruar se bëhet fjalë për një problem shëndetësor dhe jo për ndonjë ndërhyrje estetike, siç kishin aluduar disa komentues.
Ajo shkroi:
“Pas pyetjes për BBVK, kjo është pyetja më e shpeshtë që më është bërë. Po kaloj një problem shëndetësor. Kjo më shumë për të gjithë ju që më shkruani çdo ditë: ‘He mi t’ka kap keq botoxi’, ‘O qorre’, etj. Mos më pyesni më shumë se nuk do të flas për këtë gjë, jo tani.”
Me këtë përgjigje, Gixhari ka vendosur t’i japë fund komenteve dhe thashethemeve që kanë qarkulluar në rrjet, duke kërkuar nga ndjekësit më shumë mirëkuptim dhe respekt për situatën e saj personale.
