Disa ditë më parë në media qarkulluan disa foto ku shihej se bashkëshortja e presidentit të Francës, Brigitte Macron po pushonte e vetme. Sipas informacioneve, presidenti nuk e shoqëronte dot partneren për shkak të angazhimeve të tij në punë.
Duket se ky fenomen ka prekur edhe disa nga personazhet shqiptarë të cilët kanë kaluar disa ditë pushimi pa partnerët e tyre.
Modelja Emina Çunmulaj ka zgjedhur që me pushime ta shoqërojë vëllai i saj Bekimi. Të paktën kështu u pa nga fotot dhe videot që ajo ka postuar në rrjetet sociale.
Balerini Gerd Vaso, së bashku me djalin e tij dhe disa miq kanë zgjedhur të pushojnë në Greqi, pa praninë e bashkëshortes së tij, Enada Hoxha të paktën për disa ditë.
Xhensila Myrtezaj pak javë pas lindjes ka vendosur të shijojë rrezet e diellit, por pa praninë e Besit.
Ka qenë vetë Xhensila e cila sot ka ndarë disa foto në rrjetet sociale duke pushuar, ndërkohë që Besi ka postuar foto dhe video nga ‘Kisha e Laçit’.
Kjo zgjedhje e bërë nga personazhet shqiptarë mund të ketë qenë e përkohshme për shkak të angazhimeve të partnerëve të tyre./revistawho.com
