Pas Fedez, një tjetër yll italian është konfirmuar se do të vijë në Tiranë. Organizatorët e “Sunny Hill Festival” kanë njoftuar se këngëtari i njohur Alberto Cotta Ramusino, i njohur me emrin e artit si “Tananai” do të performojë në Tiranë. Lajmi është konfirmuar gjithashtu nga vetë artisti italian përmes një postimi në “Instagram”. Një ditë më parë, organizatorët zbuluan se Fedez do të këndojë në “Sunny Hill Festival”. Fedez është martuar prej vitesh me blogeren e famshme, Chiara Ferragni, me të cilën ka dy fëmijë, Leo dhe Vitoria. Sakaq, sa i përket artistëve shqiptarë, është konfirmuar se do të këndojë Dren Abazi. Kujtojmë që “Sunny Hill Festival” do të mbahet në datat 26, 27 dhe 28 gusht.
