Evi Reçi është një nga këngëtaret e dashura për publikun shqiptar, e cila me pamjen e saj të ëmbël ka ditur si të qëndrojë përgjatë gjithë këtyre viteve në skenë, por së fundmi edhe në ekran si moderatore.
Ditën e sotme, Evi ka zbuluar një projekt tjetër, shumë interesant, ku do e shohim si aktore.
Për emisionin e mëngjesit “Rreze dielli” në “Report Tv” këngëtarja ka thënë se ajo do të jetë pjesë e një filmi ndërkombëtar.
“Më është propozuar si film nga një producent në Firence. Është produksion italian. Nuk është i pari, do të vijojë dhe një i dytë. Personazhi që do luaj mund të jetë edhe shqiptar, ende nuk është vendosur”, pohoi ajo.
S’na mbetet tjetër veçse t’i urojmë sukses Evit dhe mezi presim që ta shohim si aktore. Urojmë që suksesi ta ndjekë edhe në këtë sipërmarrje të re./revistawho.com
