Kur bëhet fjalë për rrjetet sociale, gjithmonë jemi mësuar të dëgjojmë diçka në lidhje me kontributin e meshkujve në këtë fushë. Ky artikull mund të konsiderohet pak ndryshe, pasi ka në qendër gruan dhe çdo arritje që ato kanë bërë deri më sot në disa rrjete sociale shumë të njohura dhe të rëndësishme.
1.Sheryl Sandberg – COO, ‘Facebook’
Në qershor të vitit 2012, Sheryl u bë gruaja e parë që shërbeu në bordin e drejtuesve të ‘Facebook’. Po atë vit, ajo u bë pjesë e listës së 100 njerëzve me ndikim më të madh në botë. Para punës së saj në ‘Facebook’, ishte shefi i stafit për ‘Sekretarin e Shteteve të Bashkuara të Thesarit’ dhe më vonë ishte e punësuar në ‘Google’, duke shërbyer si ‘Zëvendës Presidente e Shitjeve dhe Operimeve Globale’ në internet.
2.Susan Wojcicki – CEO, ‘Youtube’
Pasi u diplomua në Harvard, plani i saj ishte të ndiqte një doktoraturë në ekonomi dhe një punë në akademi, por gjithçka ndryshoi kur ajo u interesua në teknologji. Në vitin 1999 ajo u bashkua me ‘Google’ si menaxherja e parë e marketingut. Pas mbikëqyrjes së ‘Google Video’, Suzan propozoi që të merrnin ‘Youtube’. Pas blerjes 1.65 milion dollarësh, ajo synoi blerjen tjetër të madhe, prej 3.1 milion dollarësh të ‘DoubleClick’.
3.Ginni Rometty – CEO, ‘IBM’
Ginni kryeson ‘IBM’, duke shërbyer në kapacitetet e Kryetarit, Presidentit dhe CEO. Ajo është gruaja e parë që e bën këtë. Që nga viti 1991, ajo ka mbajtur role të rëndësishme në kompani dhe është emëruar CEO dhe Presidente në vitin 2011.
4.Marissa Mayer – CEO, ‘Yahoo’
Marissa ka qenë CEO dhe presidenti i ‘Yahoo’, që nga viti 2012. Para punësimit të saj në ‘Yahoo’ ajo ka punuar në ‘Google’ si ekzekutiv dhe zëdhënës për më shumë se një dekadë. Ajo u njoh në listën ‘Time 100’ në vitin 2013 dhe më pas nga revista ‘Fortune’ u rendit e 6 në listën e tyre të biznesmenëve më të fuqishëm në botë.
5.Ruth Porat – CFO, ‘Google’
Në 26 Maj 2015, Ruth u bë ZKF i ‘Google’. Në vitin 2013 ajo u konsiderua për emërimin si zëvendës sekretar i ardhshëm i Thesarit, por kërkoi që të tërhiqej nga drejtimi në mënyrë që të vazhdonte karrierën e saj me Morgan Stanley. Në listën e 100 grave më të fuqishme në botë, nga ‘Forbes’, ajo u rendit në vendin e 32-të. /revistawho.com
