Me gërshërët e tyre ata bëjnë art. Klodi dhe Xhimi njihen si stilistët e flokëve të ‘VIP’-ave. Janë çifti që kanë sjellë një frymë të re të stilimit të flokëve në Tiranë. Mjafton të shihni dikë që ja ka besuar pamjen e jashtme atyre dhe identifikohet direkt se është puna e këtyre dy profesionistëve.
Klodi dhe Xhimi, janë çifti i cili përveç pasionit për punën ndajnë dhe dashurinë për njëri-tjetrin, fryt i së cilës janë edhe dy fëmijët e tyre. Ditën e djeshme i vogli i familjes, Jogan, ka festuar 1-vjetorin e lindjes dhe prindërit e tij kanë organizuar një festë siç dinë vetëm ata.
Revistawho.com, ka siguruar disa foto nga festa e organizuar në një ambient pranë pishinës mes miqsh dhe të afërmish. Si gjithmonë plot stil, Xhimi dhe Klodi janë kombinuar së bashku me fëmijët për të sjellë disa imazhe fantastike. Ata kanë vendosur të vishen me të bardha, ashtu siç do i shkonte një ditë të tillë, ku të gjithë festojnë për engjëllin e tyre.
Kujtojmë që një vit më parë kur Jogan erdhi në jetë “revistaWho.com” ishte e para që dha lajmin e bukur./revistawho.com
