John Legend ka zbuluar se kanë qënë mesazhet dhe telefonatat e Chrissy Teigen, ato që e kanë bërë atë të dashurohet me modelen bukuroshe.
Këngëtari 37-vjeçar ka thënë se ka qënë një romancë dixhitale për të dhe Teigen, të cilët përpiqeshin të kontaktonin me telefon në fillim të marrëdhënies së tyre ndërkohë që nuk ishin pranë njëri-tjetrit.
Çifti nisi të shoqërohej me njëri-tjetrit pasi u njohën në xhirimet e videoklipit të këngës “Stereo” të John Legend në 2007. Ata u fejuan në dhjetor 2011 dhe u martuan në Itali në 2013.
“Rashë në dashuri me të përmes telefonit pasi ajo dinte t’i përdorte shumë mirë ato 140 karaktere”, ka thënë me shaka Legend në një intervistë të dhënë së fundmi.
“Në fillim të lidhjes sonë ne shkëmbenim shumë mesazhe dhe unë nisa të dashuroja sensin e saj të humorit. Më pas nisëm të bisedonim në telefon dhe kuptova se sa joshëse dhe e zgjuar ishte si edhe me një sens humori të mrekullueshëm”.
