Pas hitit “Mike” në bashkëpunim me Elvana Gjatën dhe Ledri Vulën, John Shahu u bë menjëherë i famshëm. Pavarësisht se jeton prej vitesh në Australi, John-i ka vendosur që karrierën ta zhvillojë në vendin e tij të lindjes. Tashmë ai është kthyer në këngëtarin e preferuar nga gjinia femërore dhe sigurisht që vajzat kanë interes për jetën e tij private. Mbrëmjen e sotme John ishte i ftuar në emisionin “Why Not”, ku ka folur më shumë rreth karrierës dhe jetës së tij. Gjatë lojës “E kam bërë, se kam bërë”, këngëtari i ka habitur të gjithë me një deklaratë të tij. Ai pranoi se ka kryer marrëdhënie me një vajzë 35 vjeçe.
Kur u pyet nga Roza për të treguar më shumë për këtë histori, John-i u tregua i rezervuar, por zbuloi se vajza në fjalë kishte qenë australiane. Gjithashtu ai ka pranuar se ka përfunduar i dehur me persona dhe në vend të panjohur. Kujtojmë se John Shahu ka publikuar së fundmi këngën “Havana” që u prit mjaft mirë nga publiku. /revistawho.com
