Johnny Depp po përballet me një krizë financiare dhe e gjitha kjo si rezultat i jetës ekstravagante që ai bën. Ylli i “Piratëve të Karaibeve” ka harxhuar dhjetra miliona dollarë për shtëpitë, ishujt privatë, aeroplanët privatë, bizhu dhe jahte. Ai shpenzon mesatarisht 30.000 dollarë në muaj për verë të mirë rreth botës. Por këto shpenzime kanë bërë që aktori 53-vjeçar të jetë në prag të falimentimit.
Aktori ka ngritur një padi kundër kompanisë “The Management Group” në fillim të këtij muaji, me pretendimin se financat e tij janë keqpërdorur dhe si pasojë ai kërkon të paktën 25 milionë dollarë kompensim.
Depp ka akuzuar ish-këshilltarin e tij për keqpërdorimin e miliona dollarëve, duke paguar borxhet pa aprovimin e tij si edhe duke fshehur problemet financiare nga ai.
Por ish-menaxheri ka reaguar duke thënë se Depp është i vetmi fajtor i kësaj gjendjeje ekonomike për shkak të jetës ekstravagante që ai bën.
