Joleza e FRESSH: S’ jam rastësisht kryetare, kam mesataren 10 e di 5 gjuhë

Joleza Koka, kryetarja e Forumit Rinor të Partisë Socialiste këto ditë është kthyer në një personazh shumë të përfolur. Shkak për këtë u bë fjalimi i saj në ndarjen e teserave të PS-së për anëtarët e rinj, kur ishin të pranishëm edhe disa ministra të qeverisë Rama. Fjalimi i “pakuptimë” i Kokës u bë hit në internet dhe u shoqëruar me batuta e akuza nga më të ndryshmet. Mirëpo edhe kryetarja e FRESSH e “shfrytëzoi” mirë këtë situatë duke u shfaqur kudo ku e thirrën për t’u sqaruar. Pasi shkoi në studion e Ermal Mamaqit dhe dha një intervistë për “ABC News”, Joleza sapo kaloi edhe tek “Pasditja” e Top Channel. Përballë analistëve të ftuar ajo rrëfeu në studion e Jonida Shehut se detyrën e rëndësishme që i ka dhënë partia në pushtet, nuk e ka rastësisht.  Joleza tha se zotëron 5 gjuhë të huaja dhe ka mbaruar studimet me mesatare 10. Falë këtyre rezultateve asaj fillimisht i është besuar puna në Ministrinë e Mirëqenies e më vonë në krye të FRESSH.