Joleza Koka: Ja pse nuk rikandidoj për kryetare e FRESSH-it

Në një intervistë për gazetën Panorama Joleza Koka ka treguar se nuk do të rikandidojë me si kryetare e FRESH. “Unë do të jem kryetare deri në organizimin e Kongresit, për këtë detyrë dhe kam ardhur në krye të FRESSH-­it”-shprehet ajo. Ndërsa në lidhje me rikandidimin thotë: “Nuk kam menduar e nuk kam një përgjigje përfundimtare, se varet dhe nga diskutimet në parti. Sidoqoftë, unë mendoj se te të rinjtë mandati duhet të jetë i kufizuar në mënyrë që të ketë një riciklim të vazhdueshëm, e gjithashtu mendoj që një kryetare aktuale nuk duhet të marrë pjesë në garë, sepse niset nga një avantazh në krahasim me sfiduesit. Kështu që detyra kryesore e imja është shëndoshja e forumit dhe organizimi i një kongresi model”- duke treguar kështu se dëshiron t’i hapë rrugën të rinjve.