Jolie nuk ka dashur kurrë të ketë fëmijë

Nëna e 6 fëmijëve Angelina Jolie ka zbuluar në një intervistë të dhënë së fundmi për “Associated Press” se ajo nuk e kishte imagjinuar kurrë veten e saj me fëmijë. Por në vitin 2000 teksa ndodhej në Kamboxhia për xhirimet e “Lara Croft” diçka ndryshoi te ajo. “Kur shkova për herë të parë në Kamboxhia, diçka ndryshoi te mua. Ndryshoi perspektivën time. Kuptova se kishte kaq shumë gjëra rreth historisë së atij vendi që unë nuk i kisha mësuar në shkollë. Mësova kaq shumë rreth jetës, gjëra për të cilat kisha nevojë t’i kuptoja dhe u mrekullova nga ato që mësova”. Ajo thotë se nuk dëshironte të mbetej shtatzënë apo të kujdesej për fëmijët. Angelina Jolie dhe Brad Pitt të cilët janë martuar në vitin 2014, janë prindërit e 6 fëmijëve, ku 3 prej tyre janë të birësuar dhe 3 janë fëmijët e tyre biologjik.