Ditën e sotme Ardit Gjebrea feston 56-vjetorin e lindjes dhe në këtë ditë speciale urimet për moderatorin më popullor janë të shumta. Megjithatë më i veçanti për të është ai i djalit të tij, Jonit, i cili edhe pse jeton larg Shqipërisë nuk ka harruar të kujtojë këtë ditë të shënuar për të atin. Joni ka publikuar në ‘Instagram’ një fotografi përkrah Arditit, e cila duhet të jetë shkrepur gjatë pushimeve që kanë kaluar bashkë. Urimi që ai ka bërë mbart shumë peshë, duke ditur se për shkak të largësisë malli për njëri-tjetrin është i madh.
“Nuk ka fjalë që e përshkruan dashurinë që kam për ty. Edhe pse nuk jam fizikisht atje për të festuar sot me ty, shpirtërisht jam gjithmonë pranë teje. Gëzuar ditëlindjen heroi im”, ka shkruar Joni bashkangjitur fotos me babain. Djali i moderatorit prej kohësh është zhvendosur në Boston të SHBA-ve, vend në të cilin jeton së bashku me partneren e tij Merlin. Kujtojmë se Ardit Gjebrea përveç Jonit, ka dhe një vajzë më të vogël të quajtur Anna. /revistawho.com
