Jona Spahiu është një nga moderatoret më të dashura të ‘DigitAlb’. Ditën e sotme ajo feston ditëlindjen e njeriut të saj më të shtrenjtë. Nëna e Jonës feston ditëlindjen dhe për këtë gjë moderatorja i ka dedikuar një shkrm të gjatë, me anë të të cilit ‘vë në sedër’ të gjithë fëmijët për sjelljen e tyre përkundrejt prindërve.
“Çfarë është lumturia vallë??? Një mit i pathyeshëm, utopi e përrallave me fund: ‘Ata jetuan së bashku dhe të lumtur përgjithnjë’? Kjo pyetje me mundon gjithnjë e më shumë, aq sa më mundon më bën dhe të tentoj drejt reflektimit …por më kot. Nuk di t’i jap përgjigje mohimit tonë të vazhdueshëm ndaj të vetmes lumturi të pashtershme, të pakusht e të pavdekshme…lumturia e ofruar nga prindërit tanë. Kemi refuzuar pjatën me ushqim, se hunda na qëndronte përpjetë për të nuhatur erën e mirë të ushqimit të shtëpisë… Jemi mbyllur me orë të tëra në dhomë, se koka me shumë mundësi na kishte marrë erë, duke i përjashtuar çdo mundësi arsyetimit të drejtë… I jemi hakërryer frikës së tyre, teksa ne përgatiteshim të hidheshim në kthetrat e realitetit që vret… Kemi ngritur zërin, kemi mbajtur qëndrim dhe kemi gënjyer në përpjekjen për t’u arratisur nga kutia e tyre e kristaltë e mbrojtjes… Kemi preferuar t’i lëmë ata në shoqërinë e indiferentizmit tonë, sepse ne kemi qenë shume të zënë duke i bërë shoqëri internetit… Sa herë kemi fikur papërgjegjshmërisht telefonin, ndërkohë që dy hije bënin roje në errësirën e natës, në pritje të kthimit tonë… Sa herë jemi vërsulur përbuzmërisht pamundsisë së tyre për të na plotësuar diçka, ndërkohë që trupi i tyre luftonte me veten për të na dhënë sikur dhe pikën e fundit të gjakut… Sot në ditëlindjen tënde mamush,e vetmja gjë që do t’i kisha kërkuar zotit është, të më jepte mundësinë të bëhesha vetë prind. Të provoja çdo të thotë të kesh të tilla shtiza në kraharor, kështu unë të rikthehesha te ti për të shpërblyer gjithçka… Plot me dritë e paç jetën, siç ke portretin dhe zemrën mama ime” ka shkruar Jona.
Me siguri pas këtyre fjalëve të gjithë e keni gjetur veten dhe jeni ndjer nga pak “fajtorë” për të gjitha rastet kur nuk jemi sjellë si duhet me nënat, personat e vetëm që tregojnë kujdes të paimagjinueshëm për ne. /revistawho.com
