Ditën e sotme moderatorja simpatike, Jona Spahiu, kurorëzon me martesë dashurinë e saj me Frenkli Ymerin. Në një festë shumë të ngushtë mes miqsh dhe të afërmish, Jona do t’i jap fund beqarisë. Revista Who ka siguruar disa fotografi ekskluzive nga ceremonia martesore, në momentin e hyrjes së çiftit.
E veshur me fustanin e bardhë, Jona duket thjesht e mrekullueshme. Përveç nurit të nusërisë, moderatorja ka dhe një pamje shumë të ëmbël nga shtatzënia e saj. Nga fotografitë mund të dallohet lehtësisht barku i fryrë dhe duket se Jona ka shtuar disa kile.
Mund të themi se e gjithë ceremonia duket përrallore, ambjenti i rrethuar nga gjelbërimi dhe një nuse e veshur si një princeshë. Megjithatë ajo që ka më shumë rëndësi është dashuria dhe lumturia që lexohet qartë në sytë e çiftit të ri. Nuk na mbetet gjë tjetër veçse t’i urojmë Jonës dhe Frenklit jetë të lumtur dhe plot bekime! /revistawho.com
