Jemi në fund të vitit dhe teksa të gjithë po mendojnë për dhuratat, ne mendojmë për tendencat që kanë thyer rrjetin këtë vit. Ai që po përflitet këto ditë është pikërisht stili i këngëtares shqiptare me fame botërore Rita Ora, në daljen e saj të fundit në “British Fashion Awards”. E veshur me një kostum gri “oversize” dhe e mbuluae bizhuteri, Rita duket se i tërhoqi të gjitha kamerat pas vetes. Por prit pak, bizhuteri, byzylykë të mëdhenj, shumë unaza, sytë “smoky”, vetulla më të hapura në tonalitet? Ku i kemi parë të gjitha këto? Poo, tani jemi të sigurt se ku. Më 17 nëntor, në skenën e “Kënga Magjike” te Jonida Maliqi. Stili i saj unik bën bashkë trende që i firmos vetëm ajo. Teksa pamja e saj në prezantimin e këngës “Asnjë tjetër” u komentua gjerësisht në rrjet, Jonida është gjithmonë e para që prezantoon trendet që më pas bëjnë namin. Kështu që bëni gati unazat, byzylykët, nxirrini nga sirtarët lapsat për të zbardhur vetullat, tani kemi një trend të ri dhe Jonida e hapi derën drejt tij.
