Jonida Maliqi gati për të përfaqësuar Shqipërinë në Eurovizion, zbulon detaje të reja

Jonida Maliqi do përfaqësojë Shqipërinë në ‘Eurovizion 2019’ me këngën ‘Ktheju tokës’. Ky projekt është pëlqyer shumë nga të gjithë dhe fakti që do këndohet në gjuhën shqipe është pritur shumë mirë. Gjatë një interviste në emisionin ‘Lartë e Poshtë’ në ‘Tvsh’, Jonida ka zbuluar disa detaje të reja dhe ka thënë që nga janari do nisë punën për përformancën. “Do jap maksimumin në Eurovizion, po shkoj për ta shijuar”, u shpreh ajo. Fitorja e ka emocionuar shumë dhe këngëtarja është shprehur se çdo ditë ngrihet dhe fle duke menduar për ‘Eurovizionin’. Jonida gjithashtu ka zbuluar se fansi më i zjarrtë është vogëlushi i saj, Dani, i cili ka gëzuar shumë për mamin. Jemi të sigurt që Jonida do vjedhë zemrat e të gjithëve me zërin dhe këngën e saj./revistawho.com