Këngëtarja e njohur e publikut shqiptar, Jonida Maliqi ka treguar me anë të postimeve të ndryshme që gëzon një miqësi të fortë me stilistin e njohur, Ardi Asllani. Së fundmi me anë të një postimi në ‘Instagram’, ajo ka zgjedhur të shprehë gjithë vlerësimin për marrëdhënien me të.
“Tashmë u bënë gati 15 vite që bashkëpunojmë, ku suksesi përherë ka qenë i garantuar me ty, por mbi të gjitha jam e lumtur që kam një shok, vëlla dhe kritik kaq protektiv siç mund të jesh vetëm ti. Të dua fort, trishtohem që nuk do mundem të të takoj për çdo javë, ama të paktën e di që ritualin e telefonatave të stërzgjatura do e vazhdojmë”, ka shkruar Maliqi krah fotove ku shfaqet së bashku me Asllanin.
Kujtojmë se Ardi krijoi fustanin me të cilin, Jonida performoi në ‘Eurovision 2019’, duke e përshtatur më së miri me motivet e këngës përfaqësuese./revistawho.com
https://www.instagram.com/p/B63h7hknX5P/?igshid=1uz7pi41xvk7m
