“The Voice of Albania” rikthehet nga sonte në mbrëmje në kërkim të zërit më të mirë, këtë vit në edicionin e tij të pestë. Në fazën e parë, atë të audicioneve të fshehura, do të jetë në transmetim çdo te premte dhe të shtune në Top Channel.
Përveç ndryshimeve që do të ketë ky format, këtë vit, jurisë i është shtuar një tjetër artiste dhe ajo është Jonida Maliqi.
Në një intervistë të dhënë për “Top Channel”, Jonida është shprehur se në këtë edicion të pestë të “The Voice” nuk është në kërkim të atij vokalit të madh por kërkon një zë modern që të ketë personalitet dhe karakter të fortë.
“Jam shumë e lumtur që jam pjesë e ‘The Voice’ 5, kam përjetuar emocione shumë të bukura, shumë të mira, një energji shumë pozitive me kolegët. Mund të themi që ka pasur shumë prurje të mira vokale. Unë do të kërkoj stil, nuk jam e prirur të kërkoj atë vokalin e madh që mund të them ndër vite ka fituar në ‘The Voice’, por kërkoj një zë modern, një zë që të ketë personalitet dhe karakter të fortë”, shprehet Jonida Maliqi, trajnere.”
/Topalbaniaradio
