Jonida Maliqi ndodhet tashmë në Izrael pasi në vetëm pak ditë ajo do të përfaqësojë Shqipërinë në festivalin e ‘Eurovision 2019’, me këngën fituese të festivalit të ‘RTSH’, ‘Ktheju tokës’. Pas udhëtimeve në vende të ndryshme për promovimin e këngës, Jonida ka ndarë së fundmi në ‘Instagram-in’ e saj pamjet e para nga Jerusalemi. Ajo ka publikuar disa video në disa nga vendet më të bukura të qytetit, ku duket se muzika e ka shoqëruar kudo.
Në videot e publikuara dallohen disa nga ndërtesat më me vlerë në vend si muzetë e ndryshëm, por dhe njerëz të ndryshëm që këndojnë në ambient të hapur. Mesa duket Jonida do ta mbajë mend gjatë këtë eksperiencë të veçantë në jetën e saj, për shkak të kujtimeve të bukura që ka arritur të grumbullojë deri tani.
Kujtojmë se Maliqi do të performojë në natën e dytë të ‘Eurovision’ dhe se deri tani kënga është renditur ndër më të pëlqyerat në të gjithë kompeticionin./revistawho.com
