Këngëtaren Jonida Maliqi e ndajnë vetëm pak ditë nga skena e Eurovizionit në Tel Aviv, ku do të përformojë këngën përfaqësuese të Shqipërisë ‘Ktheju Tokës’. Mirëpo, gjatë kësaj kohe, ajo ka vizituar shumë vende të ndryshme të Izraelit, ku ka fituar shumë eksperienca të reja. Më të veçantën Jonida ka zgjedhur ta ndajë me të gjithë ndjekësit në ‘Instagram’. Ajo ka publikuar një video të lumit që kalon në Tel Aviv, që quhet Dan, dhe mban emrin e djalit të saj. Maliqi ka treguar dhe kuptimin që vendasit i japin këtij lumi, i cili sipas tyre ‘të çon drejt parajsës’. ‘Dan River! Lumi që të çon drejt Parajsës… të paktën kështu e quanin vendasit në Tel Aviv… Dan tani e kuptova pse jam në parajsë, se të kam ty! Të dua parajsa ime!’, shkruan Jonida.
https://www.instagram.com/p/BxDuW5YHssh/
Kujtojmë që kënga ‘Ktheju Tokës’ ka marrë përkrahje të gjerë nga shumë fansa nga e gjithë bota dhe ky është një sukses i madh për Shqipërinë./revistawho.com
