Padyshim është një ndër ikonat e muzikës së skenës shqiptare dhe si e tillë është gjendur gjithmonë nën presionin e mediave. Edhe pse jeta e saj ka qenë gjithmonë hermetike, gjithmonë ka pasur dyshime dhe spekulime rreth saj. Bëhet fjalë për Jonida Maliqin e cila këtë herë është vënë në qendër të sulmeve për “divorcin”… E kontaktuar nga “Prive”, Jonida e mohoi një trillim të tillë duke nënvizuar faktin se raportime të tilla e bëjnë për të qeshur në lidhje me nivelin e mediave që raportojnë spekulime kafenesh. Këngëtarja vazhdon jetën e saj normalisht, e bekuar pranë njerëzve të shtrenjtë të saj dhe impenjimeve në karrierë, të intensifikuara së fundmi me pjesëmarrjen e saj si trajnere në ‘The Voice’.
