Jonida Maliqi ka nisur turin promovues para netëve gjysmëfinale të ‘Eurovision’ dhe po performon në vende të ndryshme te Europës për të njohur publikun me këngën ‘Ktheju Tokës’. Ndalesa e fundit e saj ka qenë Londra nga ku videot e performancës nuk kanë munguar. Pak orë më parë, këngëtarja ka publikuar disa video nga interpretimi ‘live’ para publikut. Përveçse bie në sy përjetimi plot ndjenjë i Jonidës dhe zëri fantastik i saj, diçka tjetër na ka surprizuar.
Publiku londinez e njeh këngën aq mirë sa e këndojnë njëzëri me të. Emocionet sigurisht kanë qenë edhe më të mëdha nga mikpritja që i është bërë, jo më kot Jonida ka shkruar pak fjalë për publikun e Londrës. “E surprizuar dhe e nderuar nga publiku më i mirë në Londër. Nuk mund ta besoj”,-shkruan ajo.
https://www.instagram.com/p/BwRTgWKnwbm/?fbclid=IwAR2xcGOwMZTTVp5kVxH-W7pfEMu43YuSJ2cs70OYs4Qv_d9FBkkvn9D-ZIw
Komentet për performancën e Jonidës nuk kanë munguar, po ashtu edhe vlerësimet nga specialistë të fushës. /revistawho.com
