Jonida Maliqi preku dje skenën e ‘Eurovision’ dhe dhuroi një performancë të paharrueshme për të gjithë Europën, nën motivet shqiptare të këngës ‘Ktheju Tokës’. Përfaqësimi i vendit tonë me këngën dedikuar emigrimit, u prit shumë mirë sidomos nga publiku europian. Pas performancës shumë emocionuese, Jonida mori edhe lajmin e kualifikimit për në finale.
“Shqiponja prek qiellin, sytë dhe këmbët rikthen gjithmonë në tokë! Nuk kam heshtur asnjë moment në këtë rrugëtim, edhe kur dëgjoja në kor fansat europianë që këndonin shqip #Kthejutokës, edhe kur më nisnin nga Tirana lajme nga më të çuditshmet! Unë bëra dje atë për të cilën marrë frymë, për të cilën edhe erdha në këtë skenë: Këndova! Jam emocionuar si kurrë më parë me 3 minutat e mia dhe të Shqipërisë, akoma më shumë kur dëgjova: Albania! Po jetoj ëndrrën time, mbështetja dhe votat tuaja nuk ndalen fluturimin e shqiponjës! Jemi në finale, por tashmë unë mendoj se kemi fituar, jo vetëm me kualifikimin, por edhe me njëri-tjetrin! U bëmë bashkë si kurrë më parë dhe unë për këtë ju jam pafund mirënjohëse! Ju dua shumë, shihemi në finale”,-ka shkruar Jonida.
https://www.instagram.com/p/BxjyuJjHtak/?igshid=kddlc0aczdru
Finalja e Eurovision do transmetohet në 18 maj dhe të gjithë po e presin me emocion fituesin e këtij viti. Të shtunën do kemi fatin ta dëgjojmë edhe njëherë me emocion të madh performancën e Jonidës. /revistawho.com
