Jonida Maliqi do të përfaqësojë Shqipërinë në ‘Eurovizion’ këtë vit dhe deri tani, kënga e saj ‘Ktheju Tokës’ renditet ndër këngët më të pëlqyera të festivalit. Ajo ka fituar shumë fansa me zërin e saj nga çdo vend i botës, të cilët e kanë mbështetur shumë që në fillim. Ditën e sotme, Jonida ka zbuluar në ‘Instagram’ surprizën që fansat e saj në Izrael kanë organizuar për të. Një grup i vogël, adoleshentë dhe të rritur, kanë qëndruar në aeroport derisa Jonida ka arritur, për të bërë disa foto dhe për ta njohur këngëtaren shqiptare nga afër, duke e mirëpritur kështu me shumë dashuri. Mesa duket, ky xhest e ka emocionuar shumë këngëtaren, pasi mbi një foto me një nga fansat e saj ka shkruar: “Kjo është e mrekullueshme”. Kujtojmë se kënga do të këndohet në gjuhën shqipe dhe pavarësisht kësaj, ajo është pritur shumë mirë nga publiku./revistawho.com
