Prej vitesh moderatoren simpatike, Jonida Shehu, jemi mësuar ta shohim pjesë të ekranit si figurën kryesore në emisione të ndryshme me tematika sociale. Në muajin shtator ajo u rikthye në “Top Channel” në prezantimin e një emisioni të ri, i cili e solli në vëmendje të publikut. “Soiree”, mban emrin programi që bën bashkë personazhe të ndryshëm të medias në një mbrëmje të këndshme mes bisedash të ngrohta. Çdo herë Jonida përpiqet që të ketë surpriza në studio dhe duket se këtë javë surpriza më e madhe do të jetë vetë ajo. Në një video të publikuar pak minuta më parë në “Instagramin’ e saj ajo ka treguar se këtë të mërkurë do i bashkohet këngëtares Marsela Çibukaj në mikrofon me këngën “Kur të jesh mërzitur shumë”.
Me çiltërsinë dhe zërin e ngrohtë Jonida ka surprizuar publikun me këtë performancë, e cila tregon një profil tjetër të moderatores./revistawho.com
https://www.instagram.com/p/BqQNQoCHu8j/
