Prezantuesja e programit “Pasdite në Top Channel” Jonida Shehu është në pritje të ëmbël. Lajmin e ka konfirmuar vetë Jonida në një prononcim për “Anabel.al”. Moderatorja e cila është në një lidhje serioze prej katër vitesh me një skenograf, tashmë ka hedhur një hap tjetër shumë të rëndësishëm në jetën e saj. Ajo së shpejti do të bëhet nënë e një fëmije, gjinia e të cilit nuk dihet ende. “Është akoma e çuditshme për mua. Në fund të fundit është ajo që i ndodh çdo femre. Unë nuk jam tip që kam shumë entuziazëm ose nuk e shpreh, por sigurisht që ka shumë emocione”, ka thënë Shehu. Jonida është gazetare e cila deri pak kohë më parë njihej si spikere lajmesh, ndërsa së fundmi e ndryshoi disi profilin e saj mediatik duke drejtuar një emision informativo-argëtues pasditeve në kanalin “Top Channel”.
