Ajo është nga imazhet më simpatike të ekranit. E ëmbël, e thjeshtë dhe mbi të gjitha shumë e talentuar, Jonida Vokshi është prej 8 vitesh pjesë e pandarë e televizionit dhe e platformës Digitalb.
Por paralelisht me televizionin Jonidën e kemi parë të angazhuar me filmat dhe teatrin. Ajo ka studiuar për regji, por publiku shqiptar e njeh kryesisht me rolet e saj në shfaqje si “Kujtesa e ujit”, “Klani i të divorcuarave”, “ 39 hapat”, apo edhe ne kinematografi si në filmin “7 ditë”, etj. Jonida është bërë pjesë së fundmi edhe në filmin “Derë e hapur”, ku së bashku me aktoren Luli Bitri janë dy nga aktoret protagoniste të tij. Në një intervistë për” Lart e Poshtë”, ajo ka treguar shumëçka rreth këtij projekti të ri.
“Për “Open Door” ose “Derë e hapur”, nuk është se kam folur shumë, filmi ka mbyllur xhirimet në fund të tetorit dhe momentalisht është në post produksion po montohet në Itali. Ka interes për të, ne ishim në Berlinale ku pati interes nga shumë kompani të rëndësishme, do të ketë në Kanë një hapësirë të vetën 20 minuta në market screening. Ndihem krenare që kam qenë pjesëe tij,” ka thënë Jonida në një intervistë për gazetaren Suada Daci.
E pyetur gjithashtu se cilin film shqiptar preferon ajo, Vokshi është shprehur se ai është një dhe i vetëm, “Gjoleka djali i Abazit”.
“Përpos që kam një adhurim për Dhimiter Anagnostin, është një film i realizuar shumë mirë sipas kohës, por të rikujton ende filmat e vjetër shqiptar. Atë film mund ta shoh disa herë. “, është shprehur Jonida./revistawho.com
https://youtu.be/Jjt0MkHxjGQ
